What is Blogging in Hindi? Complete Guide

2
9

Haan to bhai log kaise ho aap sab aaj hum baat kareinge ki blogging kya hai. Yaar jaise hum jab bhi online income ke baare me sochte to hain to hum sunte honge ki bhai blogging karlo bahut zyada scope hai. Par us time ye aata mind me ki ye blogging hoti kya hai. To aaj yahi disucuss krna hai ki blogging hoti kya hai ya phir what is blogging in hindi . Me pehle hi clear krdu is blog me aapko technology sikhne ko milegi par fun ke saath. To Technical guruji ki voice me chaliye shuru karte hain. What is Blogging in hindi, What is Blog in Hindi, How to make money through blogging

Blogging ek method hai jisme hum kisi bhi topic pr blog bnaate hain or uspr articles daalte hain. Aapko jis bhi topic pr knowledge hai aap uspr blog bna skte hain. Apka topic koi bhi ho skta hai Technology, Fashion, Beauty, or koi bhi topic jispr aapko knowledge hai aap articles likh skte hain or unko blog pr daal skte hain. Maine pehle bhi technology pr blog bnaya tha english me par tumhare bhai ki english mashallah hai to isliye ab ye blog shuru kiya. LOL

Ab Baat karte hain ki Blog kya hota hai?

What is Blog in Hindi?

Simple language me kahen to blog ek platform hai jahan hum apne articles ke collection ko online publish kar skte hain. Abhi ke time blog bnane ke liye online bahut saare tools available hain. Aapka unka use karke bhi blog bna skte hain. Ab baat karte hain blog kitne types ke hote hain.

Types of Blog in Hindi

Free Blog

Free blog ka matalb hai ki aapko ek bhi paisa khrchna nahi padega blog bnane ke liye. Blog bnane ke liye jitni bhi cheezon ki zarurat padti hai jaise domain ya hosting, ye sab aapko free me milega. Agar aap blogging me shuruwat kar rahein hai to mein aapko suggest karunga ki free blog hi choose karein. Or jab aap blogging ke baare me jab aapko poori tarah se jankari ho jaayegi to phir paid blogs bnane ke baare me sochna. Ab free blog kaise bnta hai ye hum aage discuss kareinge. Aap free blog bnane ke liye Blogger.com ka use kar skte hain.

Paid blogs ka matalab hai ki aapko ek blog bnane ke liye aapko paise khrchne padenge. Isme aapko hosting or domain ko purchase krne ke liye kuch paise khrchne padenge. Aap tabhi apne blog ke liye invest krna jab aapko blogging ki achhi khaasi jaankari ho jaaye. Agar aap blogging me shuruwat kar rahe hain to mein aapko suggest karunga ki aap free blogs se shuruwat karein. Isme tarah ke blogs ko bnane ke liye abhi tk ka best tool hai wordpress. Aap wordpress ka istemaal kar skte hain blog ko bnane ke liye.

Free Blog v/s Paid Blog

1. Free blog me aapko bilkul paise kharch nahi karne pdte hosting or domain purchase karne ke liye. Agar aap hosting or domain khareedne ke liye paise khrch krte hain to vo blog aapka paid blog bn jaayega.

2. Free blog me aapko domain name profession nahi milega, mera matlab hai ki aapko ek sub domain saath me lgana hoga. For example, Agar aap blogger ka istemaal karte hain free blog bnane ke liye to aapke domain ke aage ek aapko ek sub-domain lgana zaruri hoga, to aapki website ka domain kuch aisa dikhega www.yourwebsite.blogspot.com. Yahan blogspot.com sub domain hai vaise hi same wordpress pr free me blog bnane ke liye aapko kuch aisa domain milega www.yourwebsite.wordpress.com. Iske alawa agar mein paid blog ki baat karun jahan aap domain name purchase krne ke liye paise khrch kareinge to aap ek professional domain pr kaam kr skte hain jaise www.yoursite.com.

3. Paid Blogs zyada professional hote as compared to free blogs.

4. Paid blogs me aap apni website ko kisi bhi tarah customize kr skte hain pr free blogs me kuch limititaions milengi.

5. Paid blogs Search engine rankings me zyada jldi rank hote hain as compared to free blog.

How to Create A free Blog on Blogger in Hindi

Step 1: Sabse pehle apne browser ke url bar me www.blogger.com type karein.

Step 2: Uske baad aapko ek option milega Create a Blog . Us Par Click Karein.

Step 3: Click karne ke baad aapke paas ek window open hogi jahan aapko email or password daalne hoga (Yahan par aapko apni Gmail id ka email or password daalna hoga.) Gmail Id Kaise Bnti Hai Vo Jaane ke liye yahan Click Karein. Uske baad Sign in Button pr click karein.

Step 4:  Is step me aapke paas blogger ka page hoga jisme aapko apne blog ka naam , domain or apne blog ke liye theme select krni hogi. (Aap apne blog ki theme ko baad me change bhi kr skte hain). Uske baad Next button pr click karein.

Step 5: Yahan aapka blog ready ho chuka hai . Left Side me aapko New Post ka button milega uspr click karke apni post likhen or publish karein.

WordPress pr free blog bnane ke liye bhi aap same yahi process kr skte hain. Zyada jaankari ke liye Yahan Click Karein.

How to Create a Paid Blog on WordPress in Hindi

Step 1:  Sabse pehle apne blog ke liye ek domain name purchase karein. Domain name purchase krne ke liye internet par kaafi saari websites hain. Maine apne blog ka domain name www.godaddy.com se purchase kiya hai. Aap bhi Yahan se Domain Name Purchase kr skte hain.

Step 2: Domain name purchase karne ke baad aapko us domain ko manage krne ke liye hosting purchase krni padegi. Hosting purchase krne ke liye aap godaddy ya hostgator kisi ka istemaal kar skte hain. Mein apne blogs ke liye hosting hostgator se purchase krta hun. Buy Hosting from Hostgator at Cheap Prices

Step 3: Hosting Purchase krne ke baad aapko apne domain or hosting ko saath me jodna hoga. Taaki aap apni hosting se apne domain ko manage kr skein. Isme aapko domain me kuch nameservers hote hain unko change krke apne hosting ke nameservers set krne pdte hain. Agar aap janna chahte hain ki Godaddy se purchase kiye huye domain ko Kisi bhi hosting se kaise link krte hain to is link ko Click karein.

Step 4: Uske baad aapko hsting ke cpanel account me wordpress install krna hai. WordPress ko hosting pr kaise intall krte hain ye janne ke liye yahna Click karein.

Step 5: Ab Aap apne domain ko url bar me daalkr check karein aapka blog bn chuka hai.

Step 6: Aap apne WordPress dashboard me jaakr apni posts ko daal skte hai saath saath apne blog ko p customize bhi kr skte hain.

How to Make Money Through Blogging in Hindi

Blogging se paisa kamane ke bahut tarike hain aaj hum unhi ke baare aapko btayenge. Earning krne se pehle me aapko bta dun ki blogging me achhi income tabhi bna paayenge jab aapke blog pr visitors bahut zyada honge. To chaliye shuru karte hain ki blogging se paise kaise kma skte hain.

Humare paas sabse pehle option aata hai Advertisement ka. Aap apne blog advertisement lga skte hain. Advertisement lgaane me aapko clicks or impressions ke paise milte hain. Jitne zyada log aapke blog pr visit karenge utne zyada log aapki ads ko bhi dekhenge or jo log interested honge vo click bhi karenge yahin se aapko paise milenge. Is process ko monetization bolte hain. Monetization ke liye abhi sbse achha platform Google Adsense hai.

Affiliate Marketing

Affiliate Marketing ek aisa process jisme aap dusri badi companies ke products ko promote krna hota or jitne bhi log aapke through us product ko purchase karenge to uske badle aapko comission milega. Bahut saare bade bade online ya digital stores affiliate programs run karte hain. Jaise Amazon, Ebay, Flipkart, Snapdeal. Aap kisi bhi platform ke affiliate program ko join karke unke products ke affiliate link apne blog me promote kr skte hain. Yahan se bhi aapko achii income milegi. Zyadatar bloggers advertisement se zyada affiliate marketing se kmaate hain.

Sponsered Posts

Jab aapka blog par achhe khaase visitors ho jaayenge or aapke domain ki value badh jaayegi jise hum Domain Authority bolte hain. To aapko bahut saare log apne products ko promote krne ke liye aapko pay karenge to aap unke products ke baare me review de kar ya unki kisi post ko apne blog par daalkar bhi paise kma skte hain. In Posts ko sponsered posts kehte hain.

After Creating Blog What to do in Hindi

Blog bn jaane ke baad aapko uspr posts daalni hai taaki log aapke blog pr visit krke aapke blog se jaankari praapt kr skein. Blog bn jaane ke baad humara sbse pehle yahi kaam hota hai ki hum zyada se zyada logon ko ikatha kar skein apne blog me. Iske liye aapko SEO pr kaam krna hoga. Maine is post detail me smjhaya hai ki aap apne blog ke liye Search Engine Optimization Kaise Kr skte hain.

So guys aaj humne jana ki blogging kya hoti hai. Agar aapke liye posts valuable thi ya aapko is post ke zariye kuch nya seekhne ko mila to is post ko apne doston or family ke saath share karein. Isi ke saath apne reviews niche comments section me bhi de skte hain. Agar aapko isse related koi bhi question poochna hai to niche comments section me puch skte hain.

2 COMMENTS

LEAVE A REPLY

Please enter your comment!
Please enter your name here